Tuesday, July 10, 2007

Thuro iang zaidam nunnem

Hman deuha Music Mission hunlai khan "thuro iang zaidam nunnem" tih hla kha kan hre lar hle tawh a. Thenkhat chuan 'thuro' kha enge a nih pawh kan hre kher lo mai thei. Hla thua tehkhin thu meuh atan a hman thin hi Sava zaidam zet mai a ni a. Nupa/tuakkhat zela awm dun thin an ni. An kawppui an uire emaw an thihsan emaw chuan pakhat zawk hi an intihlum mai thin a ni. He photo hi vanneih thilthu a ka hmeh te an ni. Thingkung pakhat, chhim lama Laui an tih thin, hmar lama lamkhuang an tih kungah hian chhungkaw dinna turin bu an chhep mek a. A pa zawk hian a bu chhehna tur thingtang a fawm khawm a. A nu zawk hian a lo rem khawm zel a ni. Chanvo pawh an insemzai thiam hle a. Gender role an hmang thiam hlein ka hria. Gender discrimination tih velah an buai hmel loh khawp mai. Siamtu siam dan ang hian lungawi takin hun an hmang nitin thin niin a lang. An nun dan phungah hian complain an neih vak hmel loh viau mai.

Thingbuk tak kara awm a nih avangin ka duh ang takin ka zoom fuh hlei thei lo a ni. Engpawhnise, en tlak chu a ni ve em ang chu.

Heng photos hi ramhnuai pawh ni lo, khawpui chhunga ka hmeh a ni hlawm a. Ngaihtuahna min neih tir tak mai mai chu Mizoramah ramhnuaiah pawh sava hmuh tur a van em em tawh laia, Vai ram khawpui chhunga nungcha ten hmun an nei thei si hi a ni. Thuro hi kan sakhuanna a entirna pawimawh tak a nih bakah Mizorama kan sava neih lar ve pawl tak a ni a, mahse rannung/ramsa/ramngaw dimdawina chang kan hre thiam thei lova. Tin, kan eizawnna (jhum cultivation) avangin tunah chuan Mizoramah hmuh tur a vang tawh em em tawh a ni. Kan forest Dept lamte hian tan han la deuh se, mipui zirtir nan endanger species te hi kumtin han siam ve ta thin se. Media hmangin han pholang ta thin se. Hma kan sawn zawk ngei ang.

2 comments:

Anonymous said...

epis, hei hi mizoram a i lak a mi?

Anonymous said...

Dear Anonymous,
Vairampura ka lak a ni. Last para ah hian Mizorama a ramsa van laia, phai rama khawlaia maimai a an awm thu ka sawi nghe nghe hi..thx for visiting my blog.