Tun kum Jan thla khan chhim lam thingtlang khaw thenkhat ka kalna ah chuan ranvulh kan enkawl dan chungchang mi sawite leh ka hmuh ten ngaihtuahna nasa tak min neih tir ve a. Nimin lawk khan Bawng tawlailir hnuk lai hi The hindu ah an rawn tilang a, a nghawng chu a hliam nasa hle a, ka khawngaih tak zet. Natna neih lai chuan chawlh tir ve awm tak..! Tin, South Vanlaiphai ah chuan buhseng hun lai khan sakawrin buh an phur tir thin a. Kawng a chhe si a, rit an ti ve em em a, a neituten an vaw pawp pawp a, sakawrte chu a chang chuan an buh phur nen an lum a, an in hliam a, athen a thi bawk a. Engatinge sorkarte hian hma a lak loh le? A neitute chu Jaila khung hmiah tur niin ka hria. Rannung tih nawmnahna, dan kalh a ni.Mizo ten ramvulh kan uar em em a. Vawkvulh phei chu kan uar lehzual a ni. Hetih lai hian kan enkawl dan erawh duhthu a sam lo em em. Rannungte hi natna nei thei, rilru na thei leh hrehawm tuar thei an ni. Tingtlang khaw tam takah chuan ranvulh hi tangkai atan hman thin an ni. Hetianga chhawr hrim hrim hi chu kan va sawisel sak theih a ni lo. Retheihna leh development-te nen inkungkaih tlat a ni. Meneka Gandhi te hian miretheite dinhmun ngaihtuah miah lovin, ran lai chauh an chawivung thung a. A kalhkim ber chuang lo.
Amaherawhchu, ran enkawl kawngah te, sorkar leh NGO, mimal pawhin inzirtirna kan neih hi a hun tawh a ni. Entirnan, hah lutuka chhawr loh te, kan chhawr lai chuan duat ve te, eitur mamawh tawk pek te, damdawi pek e, tin an chawlhhahdamna tur hun siam sak te..etc..kawngah te hma la ila, ran duat kawngah tan lak theuh a tul a ni.
3 comments:
Ekhai, Lawi hmel han hmuh takah chuan Lawichal kawlh hlauhawm zia min tihrechhuak a ni. Sakei pawh hian a ti ngam bik miahlo ve an ti thin.
PETA member i ni lo mo ?! lol
I tidik khawp mai ran kan duh anih chuan kan duattur niin keipoh ka ngai,ka hnathohna thin pakhata kan thenom te vokvulh hi ka khongaih thin,an cho pek reng2 te chu a chhe bon top,chi poh an pe phallo,ps ahek an tia,tin changel chhum han top cho an pe thin a,tin an cho pek chhiat kha ka va soisel anilova,amaheroh chu itihdan takah nunna nei annia,ps lakluhnana kan hmang duh anih pon a theih ang anga duat hi chu kan tihtur ve chu niin ka hria.Pathian pawh alomin ka ring athilsiam te chunga hmangaihna kan lantir hi.
Post a Comment