Photography

Photography hi tunhnai lawk atangin ka tui thar ve lem luam a. Mahse, engvak chu ka la hre lo. Kan photo han hmehchhuah chhun pawh automatic a lak nen danglam vak rih lo. Shutter speed, historgram...etc etc..har em mai..hun ka la duh deuh dawn a ni. Inzir fe ala ngai ang. Ka inzir chho mek a. Sony H9, 8.2 MP, 15 X ka hmang a. Automatic a awm bakah Manual a awm tel vek bawk a. Night shoot a awm bawk a. Semi-Professional a ni ve ber mai. Mahse, sony thatlohna ber chu, Sony Apha tih loh ah chuan dust leh particles awmna hmuna thlalak fiah thei lo hi a ni. Boruak humidity sanna hmunah a buai deuh tlat zel. Tin, Battery hian a daih rei thlawt lo..extra battery Rs 2000 vela lei chu a na deuh bawk si. Cannon leh Nikon hi a laktlak hle zawkin ka rin

Sony Alpha hi ka awt khawp mai. Tah hi chuan, anti dust/particles a awm tawh a. Cannon ho hi ka hre vak lo. Tin, Nikon D40X/ D80, 10.2 Mp hi a that hmel khawp mai. He camera hi SLR a ni a, a lens man hi a to lutuk a. Keini ang tan chuan buaithlak lam a ni. Manual khawih vel dan ka thiam nal hle hunah chuan SLR ah kaichho chu ka duh ve khawp mai. A photo quality inthat hleih thei em mai.

Photography rau rauah pawh portrait leh landscape lam hi nuam ka ti khawp mai. Photography lama ka tum ber chu, Mizoram nihna dik tak (70% of the Mizoram population) thingtlang mite khawsak phung leh nunzia (folk culture) tarlan hi a ni. Khawpui nun a inthlak danglam chak ang bawkin, thingtlang nunphung pawh a kum telin a danglam tial tial a. An nunzia hi mumal taka recorda vawnhim hi a tul a ni. Hei hi chona lian tak niin ka hria.

NIKON D40X