Rain Water Harvesting

Tunlai hian leilung hausakna tinreng a kiam zel a. Chuvangin a venhim leh hman tangkai lamah khawvel a tlan nasa em em tawh a ni. Heng zingah hian Rain water harvesting pawh hi a pawimawh ber pawl a ni. Mizoramah thingtlang nun a hniam a, khawvel changkanna eng an hip pha mumal lova. CHung zinga buaithlak ber chu tui supply awm tha mumal lo hi a ni. Rain water hasvesting mawlmang tak hian thingtlang mite a tanpui theih ngei a ringawm.

Milem a tarlan hi Nagalanda tui an dahna a ni. Tui bawm hi thingin an hung a, thingphel emaw dap emaw in a bang an siam a. A chhungah chuan silpauline/sarang tha deuh an dah a, tahchuan tui chu an dah tawh mai a ni. A siam nan hian pawisa a hautak lova, a daih rei ve em em bawk a ni. Thlai tui pek tur te leh insukna tur mamawh zual pui a tan a tangkai em em a ni.

Mizorama thingtlang sum harsatna hmunah hian tih ve chi tak tur niin ka hria.

Naupang te te ka hnenah han kal tir rawh u!

Naupang lawm ve ta hrim hi ka nia! Naupang bawl theih rual vel han chhawnchhaih hi nuam ve tlat. Heng ka naupang chhawnchhaih thin te hian min ngaina ve em em thin. Mizoram atang hian engemaw min rawn thawn an tum hram hram thin. Thenkhat chuan letter min rawn thawn a, ka han en a, artui lem ringawt te a lo ni a. Thenkhat dang leh chu, paper a engemaw thai ran mai mai hi a lo ni a...! An chhungten tlawmngaih chhuahin an rawn post sak ve mai thin bawk. Letter ka dawn tawh a zawnga lawmawm ber ber a ni fo thin. Mahni khaw lama ka hawn ve chang pawhin ka thian naupangte tan hian engemaw ka hawn ngei ngei a tul thin. Ka hawn loh vaih chuan an thimrim a ni mai.

Ka thian pangai ka kawm ngeih ber ber te hian ka tan an tawngtai ve thin em ka hre lo, ka phut ngam ngai bawk hek lo. Hetih lai hian ka phut hranpa pawh ngai hauh lovin, ka thian naupangte hi chuan zan tin mai pawh ni lo, chaw ei dawn tawngtainaah thlengin ka hming an lo chham tel ve thin. Kan veng a, Naupang pakhat nuar peih deuh, ngeiawm, min ngainat em avanga ka tana ngei theih tak tak si loh pawh hi a school kal tur a nuar tlat mai thin a. School thleng ka chhipchhuan loh chuan a kal duh lo fo thin. An School kalna thleng ka chhipchhuan chang a tam khawp mai.

Kan venga ka thian naupangte photos ka nei mai lova, mahse Hyderabad naupangte thlalak tal hi lo bih ve mai mai teh u. Sunday inkhawm hi an tan boring lutuk ni in ka hre thin a. An tan sunday school or inkhawm hranna ka sawimawi pui mek bawk a ni.

Vawikhat chu Biakinah Bible chang an vawn sawi turin an ko a, An phur zia tak kha aw...! sawifiah thiam a har zawk. An rawn tlanchhuak nghal vat vat a ni ber mai. Kha inkhawm ni kha nuam ta berin ka hria...!

Kan naupang pakhat chuan Hindi, English leh Mizo hi tawngkhat angin a hmang kawp nghal vek thin.....!! tawng khat hmang emaw a inti ve tho. Pakhat dang leh chu, a thian Telegu te nen an inkawm chang hian a niin Mizo in a bia a, a thian ten telegu in, an in kawm ngei ve hle tho. A lungawi loh chang a, a complain na ber chu, a thian telegu te hian "ka tawng ri an hre thei lova"a ti thin.